Industriell symbiose 13. november 2024
08:30-08:45
Frank Øvstetun (Sitep): Velkomst/Innleiing
Velkomst/Innleiing til symbiose fagdagen. Generell informasjon om timeplan, føredragshaldarar, motivasjon og innhald for dagen.
08:45-09:10
Heidi Synnøve Gaustad (Innovasjon Norge): Berekraft i Vestland - Grøn Region Vestland
Korleis skapar vi attraktive, grøne arbeidsplassar som sikrar levande bygder og trekkjer ungdom tilbake til distrikta? Vestland har ambisjonen om å leie den grøne omstillinga, og industriell symbiose er strategien som skal vise vegen. I prosjektet Grøn Region Vestland, med over 300 grøne prosjekt, jobbar vi for å redusere CO2-utslepp, auke grøne arbeidsplassar og fremje berekraftig eksport. Her deler vi våre erfaringar, suksesskriterium og utfordringar på vegen mot framtidas berekraftige region, og den viktige rolla den grøne huben i Årdal spelar i dette.
09:10-09:40
Gro Elin Kjæreng Bjerga (Norce): Biosirkel - eit kapasitetsløft innan sirkulær bioøkonomi på Vestlandet
Korleis skal Vestlandet lukkast i overgangen til meir berekraftig produksjon og uttak, effektiv ressursutnytting, utnytting av sidestrøymar og restråstoff til høgverdiprodukt, produksjon av nye fôrressursar og andre produkt? Biosirkel er Vestlandets arena for kompetansebygging og innovasjon innan sirkulær bioøkonomi mellom forskings- og utdanningsmiljøa, næringsliv, offentleg sektor og samfunnet for øvrig.
09:40-09:55
Kjell Husabø (Arda Energy): Frå biogass til hydrogen og grøn CO2
Når me snakkar om energiomstilling og eit berekraftig samfunn, forstår me då kva som krevst? La oss kikka litt nærare på biogass og kva me kan gjera med den for å møta samfunnsbehova. Kjell Husabø, ein av gründerane i Arda Energy, har utvikla eit system for å gjera biogass om til grønt hydrogen og CO₂.
09:55-10:40 Minglepause med noko å bita i
10:40-11:20
Dag Hjelle (Folven gård): Biologiske prosessar som skapar verdiar
Spillvarme frå industri og energiproduksjon kan brukast til å optimalisere biologiske prosessar som dyrking av tunikatar, biogassproduksjon og jordforbetring. Ved å utnytte denne overskotsvarmen kan vi auke effektiviteten i biologiske system, redusere energibehovet og fremje berekraftige løysingar. Dette føredraget vil utforske korleis spillvarme kan spele ei sentral rolle i framtidas grønne biologiske prosessar.
11:20-11:35
Gabriel Ossenkamp (FjordAlg): Mikroalger - Grønt gull i sirkulærøkonomien
Korleis kan mikroalgar nyttast i symbiose med industrielle ressursar som spillvarme frå inudstri, CO2 frå biogass og næring frå husdyr? Vil det redde dei små samfunna ved å tilby attraktive arbeidsplassar som får unge folk til å flytte hit frå byane i Europa? Berekraftig industriell produksjon i ein skala som monner. La deg imponere av fagmannen, ildsjelen og grunderen – Gabriel Ossenkamp.
11:35-11:50
Mario Ditaranto (Sintef): Oxy-WtE - forbrenning av avfall med negativt CO2 fotavtrykk
CO2 frå brenning av avfall er meir enn dobbelt så mykje alle fly i heile verda slipp ut. Det kan me gjere noko med – me har kunnskapen til å lage ein forbrenningsteknologi som snur opp ned på problemet. Korleis – det skal doktor-termodynamikk, Mario Ditaranto fortelle oss.
11:50-12:05
Elise Sæle Dahle (And Friends): Frå Avfall til Ressurs - Voss Biopark
Voss biopark tek leiarposisjon innan grøn industri og sirkulærøkonomi! På Bjørkemoen industriområde planlegg dei ein klimanøytral industripark der biologiske ressursar frå jordbruk og hushaldningar vert omgjort til høgkvalitetsprodukt – utan å skape nytt avfall. Høyr om det planlagde biogassanlegget som skal omdanne matavfall til både biogass og bioprodukt, med eit energipotensiale på 28 GWh! I tillegg får du innblikk i larveproduksjon og oppsirkulering, der matavfall vert til verdifulle ressursar for både mat, fôr og gjødsel.
12:05-12:55 Minglepause med noko å bita i
12:55-13:05
Tone Berge (BioSpinout One): Frå Mycel til berekraftige løysingar
Kan sopp bidra til å danne sirkulære kretsløp og spele ei nøkkelrolle i det grøne skiftet? Sopptråder, eller mycel, har evnen til både å bryte ned biologisk materiale og binde fraksjonar saman. Marknaden for mycelprodukt er i vekst, og vi finn døme på alternativ til skinn, proteinrik mat, kister og bygningsisolasjon. Biospinout One har sett på korleis ein kan bruke mycel og avfall frå industrien i Vestland til eit innovativt fallunderlag på leikeplassar.
13:05-13:25
Torunn Hønsi (Vestlandsforsking): PyroLYSE moglegheiter for Sogn?
Korleis kan biokol skape nye symbiosemoglegheiter i industri og landbruk? Korleis kan biokol nyttast til å binde CO2, auke avling, hindre erosjon osb. ved å nytte avfallsressursar på ein berekraftig måte. Bli med for å lære korleis biokol kan spele ei sentral rolle i sirkulærøkonomien og bidra til ei grønare framtid.
13:25-13:45
Nora Meling Eriksen (Hydro): Bruk av biobasert karbon i aluminiumproduksjon
Aluminiumsproduksjon står for om lag 5% av CO2-utsleppet i Norge. Innblanding av biobasert karbon kan kutte ein stor del av desse utsleppa – men er det teknisk mogeleg? Bli med for å sjå Hydro sine ambisiøse strategiar for å nå klimamåla.
13:45-14:05
Ola Sæter (Hydro): Overskotsvarme til næringsutvikling
Overskotsvarme representerer ein stor uutnytta ressurs som kan bidra til berekraftig næringsutvikling. Ved å bruke overskotsvarme frå industri og energiproduksjon kan vi effektivt drive fram nye produksjonsprosessar, redusere energibruk og fremje sirkulærøkonomi. Ola Sæter frå Hydro viser oss at Hydro både tek samfunnsansvaret og klimaet på alvor.
14:05-14:40 Minglepause med noko å bita i
14:40-15:15
Paneldebatt kring symbiose
Avslutningsvis vil det bli vist fram ein demo av ei matematisk tilnærming til eit symbiosekart for Årdal. Etter dette vil det bli halde ei paneldebatt med alle føredragshaldarane, med spørsmål frå salen.

Eg vil melde meg på!
Detta kan du enkelt gjera her